സ്വന്തം ഉസ്താദിനെ തിരുത്തുന്ന ഒരു ശിഷ്യന്റെ കുറിപ്പ് കണ്ടു

*✍ Siddeequl Misbah - 12/08/18*

*സ്വന്തം ഉസ്താദിനെ തിരുത്തുന്ന ഒരു ശിഷ്യന്റെ കുറിപ്പ് കണ്ടു.....*✍

കിതാബോതിത്തന്ന ഉസ്താദടക്കമുള്ള കേരളത്തിലെ ഉലമാക്കളിൽ സുന്നത്ത് ജമാ അത്ത് ഇല്ലത്രേ !!   - ആകെയുള്ളത് ഞാൻ ഇന്ന് കണ്ട കുറിപ്പിന്റെ ഉടമ *Swalih Puthu Ponnani* യിലാണ് പോൽ കഷ്ടം!!!!

നാളിത് വരെ ഒരാദർശത്തിൽ അടിയുറച്ച് വിശ്വസിക്കുകയും അതിന്ന് വേണ്ടി ആഹോരാത്രം കഷ്ടപ്പെടുകയും , ഈ ആദർശത്തിന്ന് വേണ്ടി ഗ്രന്ഥ രചനകൾ നടത്തുകയും ചെയ്ത സമയത്തൊന്നും മനസ്സിലാകാത്ത പുതിയ സുന്നത്ത് ജമാ അത്തും തേടി നടക്കുകയാണ് ഈ അൽപ്പൻ ! അൽപ്പൻ എന്നത് ഇയാൾക്ക് ഫിറ്റല്ല കൂടുതലാണിയാൾക്ക് ഒരു Over loaded വണ്ടി അത്ര തന്നെ !! കാരണം ഏതൊരു വിഷയത്തെ പ്പറ്റിയും പരത്തിവായനയും അതിലൂടെ അക്കരപ്പച്ച കാണുകയും ചെയ്യുക എന്നതാണ് ഈ ഓവർ ലോഡഡ് വണ്ടിയുടെ main പ്രശ്നം പക്ഷെ താമസിയാതെ ഈ വണ്ടി കട്ടപ്പുറത്താകുന്ന എല്ലാ ലക്ഷണവും കാണുന്നുണ്ട്.

ഈ മുഫ്തിക്ക് കേരളത്തിലെ ഉലമാക്കളിൽ സുന്നത്ത് ജമാ അത്ത് കാണുന്നില്ലത്രേ !! എന്തൊക്കെയോ മനക്കോട്ട കെട്ടി ഞാൻ എല്ലാത്തിന്നും തികഞ്ഞവനാണെന്ന ഭാവം ഉള്ളിൽ കുടുങ്ങിയതോ അതോ ആരുടെയെങ്കിലും ശാപം ഫലിച്ചതോ അതുമല്ല പൈശാചിക ശക്തിയിൽ വീണ് പോയതോ ! എന്തായാലും പ്രത്യക്ഷത്തിൽ ഇദ്ദേഹത്തിന്റെ കുറിപ്പിൽ ഇദ്ദേഹം എന്തോ വല്യ സംഭവമാണെന്നും എല്ലാം തികഞ്ഞ മഹ്സൂമാണെന്നുമൊക്കെ നിഴലിച്ച് കാണാം. എന്തായാലും അള്ളാഹു കാക്കട്ടെ....

എന്ത് കൊണ്ട് കേരളത്തിലെ ഉലമാക്കളിൽ സുന്നിസമില്ല ??? ആരിലാണ് പിന്നെ സുന്നത്ത് ജമാ അത്തുള്ളത് ?? ഇനി അല്ല ഇപ്പോൾ താങ്കളുടെ ശൈഖായി പരിചയപ്പെടുത്തുന്ന താങ്കൾ തന്നെ സ്വന്തം കൈപ്പടയിൽ എഴുതി പരിചയപ്പെടുത്തിയ അക്രമകാരിയും കൊടും ക്രൂരനുമായ ഇബ്നു അബ്ദുൽ വഹാബ് നടത്തിയ പോലെ അക്രമങ്ങളും ക്രൂരതകളും കാട്ടി ഹിറ്റ്ലർ മോഡൽ ഇസ്ലാമിക ഭരണം കാഴ്ച വെക്കലാണോ ഈ താങ്കൾ കണ്ട പുതിയ സുന്നത്ത് ജമാ അത്ത് ? , അതോ മൗദൂദിയുടെ ഹുകുമത്തേ ഇലാഹിയോ ?? അതല്ല NDF & SDPI പ്രതിനിധാനം ചെയ്യുന്ന ആശയമാണോ താങ്കളിൽ കണ്ട സുന്നത്ത് ജമാ അത്ത് ?? ഇനി അതുമല്ല തൗഹീദിന്റെ പേരിൽ 08 വിഭാഗമായി ചിന്നിച്ചിതറി നിൽക്കുന്ന പരസ്പരം കാഫിറും മുശ്രിഖുകളുമാക്കുന്ന കേരള നദ് വത്തുൽ മുജാഹിദീനിലെ മൗലവിമാരിലോ ? അതോ ശമാം ഇല്യാസിന്റെ അനുയായികളായ തബ് ലീഗിലോ ? ഖാദിയാനിയിലോ ? ഷിയാക്കളിലോ ആരിൽ ????  എന്തായാലും തുറന്ന് പറയാം ബല്യ സത്യം തുറന്ന് പറയുന്നയാളാണല്ലോ ഇതും കൂടി ഒന്ന് വ്യക്തമാക്കിയിട്ട് വേണം ഞമ്മൾക്കും ബോധ്യപ്പെടുകയാണെങ്കിൽ അങ്ങയുടെ ഒന്ന് കൂടാൻ...

ഇനിയല്ല ഇപ്പോഴും ഗവേഷണത്തിലാണോ സുന്നത്ത് ജമാ അത്തും തേടിയിട്ട് ? ഖബറിലേക്കെടുക്കാൻ അധിക ദൂരമുണ്ടെന്ന് വിചാരിച്ചുവോ താങ്കൾ ? ചെരുപ്പിന്റെ വാറിനെക്കാൾ അടുത്ത് നിൽക്കുകയല്ലേ മരണം , ഇങ്ങനെ ഗവേഷണം നടത്തി ആദർശത്തിന്ന് കളറ് മാറ്റിക്കൊണ്ടേയിരിക്കുമോ ? ഇബ്നു സഖമിനെ പോലുള്ളവരുടെ ചരിത്രമൊക്കെ ഒന്ന് വായിക്കുന്നത് നന്നായിരിക്കും 

ആലിമീങ്ങൾക്കെതിരെ ആരോപണങ്ങൾ ഉണ്ടാവുക അഭിപ്രായ വ്യത്യാസങ്ങളുണ്ടാവുക ഇതൊക്കെ കഴിഞ്ഞ ഇസ്ലാമിക ചരിത്രത്തിൽ ധാരാളമുണ്ടായിട്ടുണ്ടല്ലോ ! സ്വഹാബത്തിൽ വരെ ഉണ്ടായിട്ടുണ്ട് , ഉസ്മാൻ (റ) നെ ബന്ധിയാക്കിയതും , വധിക്കാനുണ്ടായ കാരണവുമെല്ലാം അറിയുന്നവർക്ക് പ്രത്യേകം പറഞ്ഞ് തരേണ്ടതില്ലല്ലോ !! ഇത്തരം അഭിപ്രായ വ്യത്യാസങ്ങൾ കേരളത്തിലെ ഉലമാക്കൾക്കിടയിലുണ്ടായതാണോ താങ്കളെ പോലുള്ളവർക്ക് ഈ ഉലമാക്കളിൽ സുന്നത്ത് ജമാ അത്തിനെ നിഷേധിക്കാൻ കാരണമായത് ? അതോ മറ്റ് വല്ല സ്വാർത്ഥ താൽപ്പര്യങ്ങൾക്ക് വേണ്ടി നിഷേധിക്കുകയാണോ ?

*ഇന്ത്യ മൊത്തം കറങ്ങിയാൽ തന്നെ കേരളത്തിലെ ഉലമാക്കളുടെ ത്യാഗവും സേവനവും നമുക്ക് മനസ്സിലാക്കാം - ഖുർ ആൻ ഓതാനോ , അഞ്ച് നേരത്തെ നിസ്ക്കാരം പോലും എങ്ങനെ നിർവ്വഹിക്കണമെന്നറിയാത്ത മുസ്ലിമീങ്ങളുള്ള നോർത് & ഈസ്റ്റ് & വെസ്റ്റ് ഇന്ത്യയിലെ സംസ്ഥാനങ്ങളിൽ ഒന്ന് പോയി നോക്കുക , ഝാർഖണ്ടിൽ ഈ വിനീതൻ 04 വർഷം സേവനം ചെയ്തപ്പോൾ നേരിട്ട് ബോധ്യപ്പെട്ടതാണ്. ഇവിടെയാണ് നാം കേരളത്തിൽ ജനിച്ചല്ലോ എന്ന് പറഞ്ഞ് അഭിമാനം കൊള്ളുന്നത് അൽഹംദുലില്ലാഹ് !!! 12 വരെ മദ്രസ കഴിയുമ്പോഴേക്ക് വലിയവരോടും ഗുരുനാഥന്മാരോടുമുള്ള ശരിയായ അദബ് , ശരിയായ വിശ്വാസം , നിസ്ക്കാരം , നോമ്പ് , ഹജ്ജ് , സകാത് , പോലുള്ള കർമ്മങ്ങളിലെ ആവശ്യമുള്ള മസ് അലകൾ തുടങ്ങിയതൊക്കെ ഒരു ഗുരുനാഥന്റെ കീഴിൽ നിന്ന് നല്ല അവഗാഹം നേടുന്നു ! ഈയൊരു സാഹചര്യമെങ്ങനെയുണ്ടായി ? ഈയൊരവസ്ഥക്ക് കാരണം നമ്മുടെ ഉലമാക്കളുടെ ദീർഘദൃഷ്ടിയും ത്യാഗസന്നദ്ധമായ സേവനവുമാണ് , 80 ഉം 90 വയസ്സായിട്ട് പോലും നമ്മുടെ ഉലമാക്കൾ അള്ളാഹുവിന്റെ ദീനിന്ന് വേണ്ടി ഓടി നടക്കുകയാണിന്നും , നാളെയുടെ ദീനീശരീഅത്തിന്റെ കാവലാളായി ഒരു സമൂഹം വളർന്ന് വരണം , യഥാർത്ഥ അഹ്ലുസ്സുന്ന വൽ ജമാ അ നിലനിൽക്കണം , തീവ്രവാദത്തിലൂടെ ഇസ്ലാമിനെ തെറ്റിദ്ധരിപ്പിക്കുമ്പോൾ ആത്മീയതയിലൂടെയുള്ള മാതൃകാ പ്രവർത്തനത്തിലൂടെ യഥാർത്ഥ ഇസ്ലാമിനെ മനസ്സിലാക്കിക്കൊടുക്കുന്ന ഒരു മുസ്ലിം സമൂഹം ഇന്നേക്കും നാളേക്കും കൂടി ഉണ്ടാകണം ! ഇങ്ങനെ ശരിയായ ദിശാ ബോധം നൽകി ദഹ് വത്ത് നടത്തുന്ന കേരളത്തിലെ ആലിമീങ്ങളിൽ സുന്നത്ത് ജമാ അത്ത് ശരിയല്ലെന്നത് എത്ര നീചവും അപകടം പിടിച്ച വാദവുമാണ് താങ്കളുടേത് !??*

ഇന്ന് ലോകത്ത് തന്നെ അഹ്ലുസ്സുന്നയുടെ പണ്ഡിതന്മാരുടെ ലിസ്റ്റ് തയ്യാറാക്കുക അതിൽ എത്ര ഉലമാക്കൾ കാണും ഇന്ന് കേരളത്തിലേത് പോലെ പതിനായിരങ്ങൾക്കും , ആയിരങ്ങൾക്കും ഭക്ഷണ താമസ സൗകര്യങ്ങൾക്കൊന്നും ഒരു കാശും ഈടാക്കാതെ യതീം കുട്ടികൾക്കും , മറ്റ് പാവപ്പെട്ടവർക്കും , അല്ലാത്തവർക്കും ഒരുപോലെ ഇന്ത്യലിൽ തന്നെ പല സ്ഥലങ്ങളിലായി സ്വന്തമായുള്ള ഭൂമിയിൽ സ്വന്തമായ കെട്ടിടമുണ്ടാക്കിയും വാടക കെട്ടിടത്തിലുമൊക്കെയായി മത ഭൗതിക വിദ്യാഭ്യാസം നൽകി ചിട്ടയോടെ വളർത്തി വരുന്ന ഈ സേവനം ലോകത്ത് തന്നെ എത്ര പണ്ഡിതന്മാരിലുണ്ടാകും ??? ഒന്നറിയാൻ താൽപ്പര്യമുണ്ട് ?

ഇനി പറയൂ പൂർവ്വ സൂരികളും ഇന്നുള്ള കേരളത്തിലെ ആലിമീങ്ങളും താങ്കൾ കണ്ട ആദർശത്തിലെ മാറ്റം പറയൂ ??? എല്ലാ സത്യങ്ങളും തുറന്ന് പറയുന്നു എന്നവകാശപ്പെട്ടാൽ പോരാ , താങ്കൾ തുറന്ന് എഴുതണം അല്ലാതെ ആരോപണമല്ല വേണ്ടത് ?????? അല്ലാതെ എവിടെയും തൊടാതെ താൻ സ്വീകരിക്കുന്ന ഒറ്റയാൾ ആദർശമാണ് ശരി എന്നൊരു ചിന്തയാണോ താങ്കൾക്ക് എന്തായാലും അറിയാൻ താൽപ്പര്യമുണ്ട്

പൂർവ്വ സൂരികൾ പഠിപ്പിക്കാത്ത എന്താദർശമാണ് കേരളത്തിലെ ഉലമാക്കളിലുള്ളത് ???

താങ്കളടക്കമുള്ളവരെ പഠിപ്പിച്ച ഉസ്താദുമാരുടെ പരമ്പര സൈനുദ്ധീൻ മഖ്ദൂം (റ) വിലേക്കും അവിടന്ന് ഇബ്നു ഹജർ റ പോലുള്ള സാദാതീങ്ങൾ വഴി ഇമാം ശാഫിഈ റ , ഇമാം അശ് അരീ (റ) വിലേക്കും അവിടന്ന് ഹബീബായ (സ്വ) യിലേക്കെത്തുന്ന വ്യക്തമായ പരമ്പരയെ താങ്കൾ നിഷേധിക്കുന്നുണ്ടോ?????

പാരമ്പര്യമായിട്ടല്ലേ നമുക്ക് ദീൻ കിട്ടിയിട്ടുള്ളത് ??? കാലോചിതമായി ഷറ ഇൽ മാറ്റം വരുത്താൻ പറ്റുമോ ?? ഷറ ഇൽ സ്ഥിരപ്പെട്ടതിന്റെ ശൈലിയിൽ മാറ്റം വരുന്നതിനെ താങ്കൾ എതിർക്കുന്നുണ്ടൊ ???? പറയൂ പറയൂ ???

"കാഴ്ചയിലല്ല കാഴ്ചപ്പാടിലല്ലേ മാറ്റം വരേണ്ടത്"

താങ്കൾ ബല്യ ബുദ്ധി ജീവി എന്ന് സ്വയം തോന്നുന്നുണ്ടെങ്കിൽ ഞങ്ങൾക്കൊന്നും അങ്ങനെ തോന്നിയിട്ടില്ലാട്ടോ ? ഒഴുക്കിനെതിരെ നീന്തുമ്പോൾ ശരീരത്തിൽ തട്ടി നീങ്ങുന്ന പരൽ മീനുകളെ പോലെ മാത്രമേ താങ്കളെയൊക്കെ കണ്ടിട്ടുള്ളൂ , ലക്ഷ്യ ബോധമില്ലാത്ത പരക്കം പാച്ചിൽ അല്ലാതെന്ത് പറയാൻ... അള്ളാഹു നിങ്ങൾക്ക് ഹഖിനെ ബോധ്യപ്പെടുത്തിത്തരട്ടെ

*അവസാനമായി ഒന്ന് കൂടി സ്നേഹത്തോടെ പറഞ്ഞോട്ടെ സ്വാലിഹ്....‌‌.*

*✍😢ഒരു ഉറച്ച സുന്നിയായി ജീവിക്കാൻ എന്നെ പ്രേരിപ്പിക്കുന്നത് നമ്മുടെ മാതാപിതാഗുരുക്കൾ പുഞ്ചിരിച്ച് കൊണ്ട് കലിമ ചൊല്ലി വിടവാങ്ങുന്നത് നേരിൽ കണ്ടത് കൊണ്ടാണ്*

*നാം എത്ര കിതാബുകളിൽ നിന്ന് ഓതിപ്പഠിച്ചാലും അനുഭവത്തെക്കാൾ വലുതായത് വല്ലതും ഉണ്ടൊ ? മദ്രസയിൽ നിന്നും ദർസിൽ നിന്നും എന്റെ ഗുരുനാഥൻ പഠിപ്പിച്ച യഥാർത്ഥ അഹ്ലുസ്സുന്നയുടെ ആദർശം ശരിയാണെന്ന് വിശ്വസിക്കുന്നതോടൊപ്പം , മാലയും മൗലൂദും, നേർച്ചയും , മന്ത്രവും , ദിഖ്റ് ഖൽഖയും , സ്വലാത് മജ്ലിസും , എല്ലാത്തിനും മുൻ പന്തിയിലുണ്ടായിരുന്ന എന്റെ വന്ദ്യ പിതാവിന്റെ ഉമ്മ കലിമ ചൊല്ലി പുഞ്ചിരിച്ച് കൊണ്ട് നമ്മോട് വിടപറഞ്ഞത് കണ്ടപ്പോൾ അതിനേക്കാൾ വല്യ തെളിവൊന്നും വേണ്ടല്ലോ !!! ? നാമൊക്കെ കൊതിക്കുന്നതും ആഖിബത് നന്നാവാനാണല്ലോ ! അവർക്കൊക്കെ നാമൊക്കെ പഠിച്ച അഹ്ലുസ്സുന്നയുടെ വിശ്വാസത്തിലൂടെ ജീവിച്ച് കർമ്മങ്ങളൊക്കെ ചെയ്ത് അവസാനം കലിമതുത്തൗഹീദ് ചൊല്ലി നെറ്റിത്തടം വിയർപ്പിച്ച് പുഞ്ചിരിച്ച് കൊണ്ട് ഈമാനോട് കൂടി മരിക്കാൻ പറ്റിയെങ്കിൽ തീർച്ചയായും അവരുടെ പേരക്കുട്ടിയായ എനിക്കും പറ്റുമെന്ന് ഞാൻ വിശ്വസിക്കുന്നു , എന്റെ വിശ്വാസത്തിലോ കർമ്മത്തിലോ ഒരു പിഴവും ഇല്ലെന്ന് ഇതിനേക്കാൾ വല്യ ബോധ്യപ്പെടൽ ആവശ്യമില്ലല്ലോ !!! യഥാർത്ഥ ഹബീബ് (സ്വ) യിൽ നിന്ന് സ്വഹാബത്തിലൂടെ ഇമാമീങ്ങളിലൂടെ ഉസ്താദുമാരിലൂടെ പാരമ്പര്യമായി കിട്ടിയ ആദർശം തന്നെയാണ് നമ്മുടെ മാതാപിതാഗുരുക്കൾ നമുക്ക് നൽകിയിട്ടുള്ളതെന്നതിന്ന് ഏറ്റവും വലിയ തെളിവാണിതൊക്കെ. അനുഭവം ഗുരു.*

ഇത് പോലെ നിങ്ങളിലോരോ പേർക്കും പറയാനുണ്ടാകും ഇത്തരം അനുഭവങ്ങൾ ഈയെനിക്ക് തന്നെ പ്രസ്ഥാന ബന്ധുക്കളുടെ ഇത് പോലോത്ത ധാരാളം അനുഭവങ്ങളേറെയുണ്ട് പറയാൻ തൽക്കാലം ചുരുക്കുന്നു.....

നമ്മുടെ അൽപ്പ നേരത്തെ ചിന്തയും ബുദ്ധിയും ഉപയോഗിച്ച് ഈ പാരമ്പര്യ വിശ്വാസത്തിൽ നിന്നും വഴുതിപ്പോകരുത് ! ഈ എതിർ ചിന്തകൾ ഇബ്ലീസിന്റേതാണെന്ന തിരിച്ചറിവ് നമുക്ക് വേണം , നമ്മുടെ മാതാപിതാക്കളൊക്കെ പോയ സ്വർഗ്ഗത്തിലേക്ക് നമുക്കും പോകണ്ടെ !! അള്ളാഹു തൗഫീഖ് നൽകട്ടെ ആമീൻ

*✍സ്നേഹത്തോടെ - സിദ്ധീഖുൽ മിസ്ബാഹ് (09496210086 - wtsp)*👍🏻🙂