സുയൂതി ഇമാമും ഇസ്തിഗാസയും - ആരോപണങ്ങൾക്ക് കഴമ്പില്ല

*സുയൂതി ഇമാമും ഇസ്തിഗാസയും - ആരോപണങ്ങൾക്ക് കഴമ്പില്ല*________________✍ 
*
Swalih puthuponnani , ഇല്യാസ് മൗലവി , സമീർ വടകര പോലുള്ള ഓൺലൈൻ മുഫ്തിമാർക്കൊരു മറു ലേഖനം *സിദ്ധീഖുൽ മിസ്ബാഹ്*✍🔻

*ഭിത്തിയിൽ പെയിന്റടിച്ച് കളർ മാറ്റിക്കൊണ്ടിരിക്കുന്നത് പോലെയാണ് ചില ഓൺലൈൻ മുഫ്തിമാരുടെ ആദർശം - സുന്നി സമൂഹം അവജ്ഞയോടെ തള്ളുന്നു*

ഇങ്ങനെ ആദർശത്തിന്ന് കളറടിച്ച് മാറ്റി കൊണ്ടിരിക്കുന്ന ഒരു പുതുപ്പൊന്നാനിക്കാരൻ സ്വാലിഹിന്റെ സുയൂതി ഇമാമിനെപ്പറ്റിയുള്ള ഒരു കുറിപ്പ് കാണാനിടയായി ... ആർക്കോ വേണ്ടി  എല്ലാം പണയം വെച്ച് നടത്തിയ ചാരിത്ര്യ പ്രസംഗം എഴുതി വെച്ചാൽ എങ്ങനുണ്ടാകും അത് പോലെയുണ്ട് ഇയാളുടെ കുറിപ്പ് കണ്ടപ്പോൾ !!! ഇയാളുടെ പോസ്റ്റും  പൊക്കിപ്പിടിച്ച് വരുന്ന വഹാബികളേ ...  കൂടെക്കൂട്ടുകയാണോ ഇയാളെ ? ..‌‌ ഇതാ  ഇയാൾ തന്നെ നിങ്ങളെ പ്പറ്റി  എഴുതിയ ''ഇസ്ലാം നുഴഞ്ഞുകയറ്റ ഭീഷണിയിൽ'' എന്ന ഇദ്ദേഹത്തിന്റെ കൃതിയിലെ 161, 162 പേജുകളിൽ നിങ്ങളുടെ നേതാവായ ഇബ്നു അബ്ദുൽ വഹാബിനെ കുറിച്ചും , അനുയായികളായ വഹാബികളായ നിങ്ങളെ  കുറിച്ചും ശക്തമായ നിലയിൽ തന്നെ പരാമർശിച്ചതായി കാണാം അതിലെ ഒരു ചെറിയ ഭാഗം ഇങ്ങനെ

*"'ആയിരക്കണക്കിനു മുസ്ലിംകളെ ശിർക്കാരോപിച്ചു കൊന്നൊടുക്കുകയും പ്രതിരോധിക്കാനിറങ്ങിയ പണ്ഡിതരെ വെട്ടിനുറുക്കുകയും സ്ത്രീകളെ പീഡിപ്പിക്കുകയും കുഞ്ഞുങ്ങളുടെ  കഴുത്തരിഞ്ഞു തളളുകയും ചെയ്തു. കൈകുഞ്ഞുങ്ങളെ കഴുത്തറുത്തുകൊന്ന വഹ്ഹാബിൻറെ ഭീകരതയെ കുറിച്ചു അസ്സയ്യിദ് ഇബ്രാഹീം റാവീ രിഫാഈ തൻറെ 'രിസാലതു ഔറാഖിൽ ബഗ്ദാദിയ്യഃഫിൽ ഹവാദിസിന്നജ്ദിയ്യഃ എന്ന ഗ്രന്ഥത്തിൽ പരാമർശിക്കുന്നുണ്ട്. കുഞ്ഞുങ്ങളെ പിടിച്ചു ഇവർ കാഫിറുകളാണെന്നു പറഞ്ഞു കൊല്ലുകയായിരുന്നു.''ഹത്താ ഖതലൂന അഥ്ഫാലഹും യഖൂലൂന ഹാഉലാഇ കുഫ്ഫാർ...*

*"എക്കാലത്തും മർദ്ദക ഭരണാധികാരികളുടെ പൊതുസ്വഭാവമാണ് ആൺപിറന്നവരെ കൊല്ലലും പെണ്ണുങ്ങളെ മാനഭംഗപ്പെടുത്തലും.ഇതും വഹ്ഹാബികൾ നടപ്പിലാക്കി.രാജ്യഭരണം വഹ്ഹാബി വത്ക്കരിക്കപ്പെട്ടപ്പോളായിരുന്നു ഈ കൊടും ക്രൂരതകളെല്ലാം.ബ്രിട്ടീഷുകാരുടെ സൈനിക സാമ്പത്തിക സഹായമാണു ഇബ്നു അബ്ദിൽ വഹ്ഹാബിനു തുണയായത് ''.(ഇസ്ലാം നുഴഞ്ഞ് കയറ്റ ഭീഷണിയിൽ _‌page 161, 162*

ബ്രിട്ടീഷ് സൈനികരുടെ അച്ചാരം പറ്റി മുസ്ലിമീങ്ങൾക്കെതിരെ അതി ക്രൂരമായ നിലയിൽ അക്രമവും , അഴിഞ്ഞാട്ടവും  നടത്തിയെന്ന് സ്വന്തം കൃതിയിലൂടെ സമർത്ഥിച്ചത് - ഇയാളെ പോലുള്ളവരെ വഹാബികൾ നമ്പുമോ ???

ഇയാൾ തന്റെ ആദർശത്തിൽ സുന്നി കളർ  മാറ്റം വരുത്തിയോ ?  ഇപ്പൊ വഹാബി കളറ് കൊടുത്തിരിക്കുകയാണോ ? !  ഇനിയും ഈ കളർ മാറുമോ ?  തബ് ലീഗ് കളർ , ഖാദിയാനി കളർ അങ്ങനെ പോകില്ലേ ? ,  വഹാബികൾക്കെതിരെ പടപൊരുതാൻ ഇദ്ദേഹം കഷ്ടപ്പെട്ട് എഴുതിയ ലേഖനങ്ങൾ , ഗ്രന്ഥങ്ങൾ , സംവാദങ്ങൾ , ഖണ്ഡനങ്ങൾ എല്ലാം എന്ത് ചെയ്യും അടുപ്പിലിട്ട് കത്തിക്കേണ്ടി വരോ ?? താമസിയാതെ ഇപ്പോൾ കൊടുത്തിരിക്കുന്ന  കളറിന്മേൽ വീണ്ടും മറ്റൊരു കളർ പ്രതീക്ഷിക്കാമോ ?  പക്ഷെ അൽഭുതം !! അതല്ല  ഇത്തരം  ഓന്തു തൗഹീദുകാരുടെ കുറിപ്പുകൾ ഷെയർ  ചെയ്യാനും കുറേ‌ മരയോന്തുകളും ഉണ്ടല്ലോ എന്നോർക്കുമ്പോഴാണ് കഷ്ടം!!! തോന്നുന്നത്. "കാള പെറ്റു എന്ന് കേൾക്കുമ്പോളേക്ക് കയറെടുത്ത് ഓടുന്ന വിഭാഗം ..ന്റെ റബ്ബേ തോറ്റു !!!
✍♦
മഹാനായ ഇമാം സുയൂതി (റ) വിന്റെ പേരിൽ ആരോപണ വിധേയമാക്കപ്പെട്ട അൽ അംറു ബിൽ ഇത്തിബാഹ് അനാവശ്യ വിവാദം വേണോ സ്വാലിഹ്  ? ?? ഗ്രന്ഥത്തിന്ന് തഹ്ഖീഖ് കൊടുത്തവർ തന്നെ ആ കിതാബ് സുയൂതി ഇമാമിലേക്ക് ചേർത്തിപ്പറയാൻ പെടാ പാട് പെടുന്നു. അധികവും നഖ്ല് ചെയ്തത് ഇഖ്തിളാഉ സ്വിറാതുൽ മുസ്തഖീം എന്ന ഇബ്നു തയ്മിയ്യയുടെ കൃതിയിൽ നിന്നാണെന്ന് തഹ്ഖീഖ് നൽകിയവർ തന്നെ പറയുന്നു, (മശ് ഹൂർ ഹസൻ സുലൈമാൻ തഹ്ഖീഖ് നൽകിയ കോപി നോക്കുക), അത് പോലെ മക്തബതുശാമില സലഫി വഹാബീ അഡ്മിൻ വിഭാഗമായ "അർശീഫും" കിതാബിലെ ആശയം  സുയൂതി ഇമാമിലേക്ക് ചേർത്തിപ്പറയാൻ കഴിയുകയില്ലെന്ന് തുറന്ന് സമ്മതിക്കുന്നു എന്നിരിക്കെ താങ്കളെ പോലുള്ളവരെന്തിന്ന് വാശിപിടിക്കുന്നു. ?

 ഒരു ഇമാമിന്റെ കിതാബ് ആ ഇമാമിലേക്ക് ചേർത്തിപ്പറയണമെങ്കിൽ അഹ്ലുസ്സുന്നയുടെ പണ്ഡിത ലോകം അംഗീകരിക്കുന്ന ഒരു മാനദണ്ഡം ഉണ്ടല്ലോ  ആ മാനദണ്ഡം പ്രസ്തുത കിതാബിന്ന് ഇല്ലാത്തടുത്തോളം കാലം സുയൂതി ഇമാമിന്റെ മേൽ വഹാബിയൻ നജ്ദികൾ കെട്ടിച്ചമക്കപ്പെട്ട കിതാബ് തന്നെയാണ് ഈ "അൽ അംറു ബിൽ ഇത്തിബാഹ്", ഇനി യൂസുഫ്ന്നബ് ഹാനി പ്രസ്തുത കിതാബിൽ നിന്ന്  ഉദ്ധരിച്ചു എന്നത് പറഞ്ഞാലും അംഗീകരിക്കപ്പെടേണ്ട മാനദണ്ടമല്ലാത്തതിനാൽ ഈ വിഷയത്തിലേക്കായി അത് മാറ്റി വെക്കുകയാണ്. വിശ്വാസത്തിന്ന് പോലും ആവശ്യാനുസരണം കളർ മാറ്റി വരുന്ന കാലഘട്ടത്തിൽ ഒരിമാമിന്റെ കിതാബിലുള്ളതിനെ മാറ്റം വരുത്താൻ വല്യ പ്രയാസമൊന്നും ഇല്ലല്ലോ!!!

ഒരു കിതാബിൽ അല്ലെങ്കിൽ ഒരായിരം കിതാബിൽ നിന്നാണ് ഒരു   മസ് അല ലഭിക്കുക , അത്  ഒരിമാമിലേക്ക് ചേർത്തിപ്പറയണമെങ്കിൽ അത് ആ ഇമാമിന്റേതാണെന്ന്  തവാതിറായി അറിയപ്പെടാത്തടുത്തോളം  അത് പ്രസ്തുത ഇമാമിന്റേതാണന്നറിയിക്കുകയില്ല. ഇത്  ബഹുമാനപ്പെട്ട അബൂബക്കർ ബാഖില്ലാനി (റ) വിന്റെ കിതാബുൽ ഇൻ ഇൻതിസ്വാറിൽ കാണാവുന്നതാണ്. പ്രസ്തുത അൽ അംറു ബിൽ ഇത്തിബാഇനെ സംബന്ധിച്ചടുത്തോളം സുയൂതി ഇമാം അവിടന്ന് സ്വന്തം രചനകൾ  പരിചയപ്പെടുത്തിയ കൂട്ടത്തിൽ ഈ കിതാബ് ഇല്ല, അത് പോലെ‌ ഇതിലെ ഇസ്തിഗാസയെ എതിർക്കുന്നതാകട്ടെ സുയൂതി ഇമാമിന്റെ സ്വന്തം നിലപാടുകൾ , മറ്റ് ഉദ്ധരണികൾക്കെതിര് താനും, സുയൂതി ഇമാമിന്ന് ഇങ്ങനൊരു വാദമുണ്ടെന്ന് ലോകത്ത് ഇന്നേവരെ ഒരൊറ്റ ഇമാമുമാരും പഠിപ്പിച്ചിട്ടില്ല , തഹ്ഖീഖ് കൊടുത്തവർ തന്നെ പ്രസ്തുത വാദങ്ങൾ ഇബ്നു തയ്മിയ്യയുടെ ഇഖ്തിളാഇൽ നിന്നെടുത്തതാണെന്ന് സമ്മതിക്കുന്നു,  ഈ കിതാബിലെ ചില നഖ് ലുകൾ  ഉണ്ടെന്ന് എടുത്ത് പറയാൻ മാത്രം  ആകെയുള്ള ഒരേ ഒരു കിതാബ് ദലീലുത്തുജ്ജാറിൽ മാത്രം , ഇതല്ലാത്ത മറ്റൊരു ഗ്രന്ഥവും കാണാനില്ല അപ്പോൾ തവാതിറല്ല ഒറ്റപ്പെട്ട അഭിപ്രായം മാത്രം , മാത്രവുമല്ല ദലീലുത്തുജ്ജാറിന്റെ ഓതറായ യൂസുഫ്ന്നബ് ഹാനി പോലും സുയൂതി ഇമാമിന്ന് പ്രസ്തുത വാദം ഉണ്ടെന്ന് ഒരിടത്തും പറയുന്നുമില്ല , അത് കൊണ്ട് തന്നെ മുകളിൽ പറഞ്ഞതെല്ലാം കൃത്യമായി ഹാജറാക്കാത്തടുത്തോളം കാലം പുകഞ്ഞത് പുറത്ത് തന്നെ!!!

 പ്രസ്തുത " അൽ അംറു ബിൽ ഇത്തിബാഇലൂടെ"   പ്രധാനമായും  ആരോപിക്കപ്പെടുന്ന ആശയം   വഫാത്തായ ഹബീബ് (സ്വ) യോട് സുന്നികൾ നടത്തുന്ന ഇസ്തിഗാസയെ എതിർക്കുന്ന ആളാണ്  ഇമാം സുയൂതിയെന്നും  അത് പോലെ‌ സ്വഹാബത്തോ താബിഉകളോ വഫാത്തായ ഹബീബ് സ്വ യുടെ ഖബറിങ്കൽ വന്ന് ഇസ്തിഗാസ നടത്തിയിട്ടില്ലെന്ന് ഇമാം സുയൂതി പറഞ്ഞുവെന്നുമാണ്   !! പക്ഷെ സുയൂതി ഇമാമിനെ സംബന്ധിച്ചടുത്തോളം ഇത് രണ്ടും തെളിയിക്കാൻ ധാരാളം ഉദ്ധരണികൾ കൊണ്ട് വരാൻ സാധിക്കും‌, എല്ലാം ഇവിടെ കൊടുക്കുന്നത് പ്രായോഗികമല്ല ചില പ്രധാനപ്പെട്ടത് മാത്രം  കൊടുക്കുന്നു
✍
*സ്വഹാബത്തും‌ താബിഉകളും  ഇസ്തിഗാസ നടത്തിയത് സുയൂതി ഇമാം പഠിപ്പിച്ചോ ??*

*മറുപടി :-* കളർ വാദികൾ കണ്ണടച്ച് ഇരുട്ടാക്കുകയാണ് ചെയ്യുന്നത് !  മഹാനായ ഇമാം സുയൂതി (റ) വിന്റെ ലോക പ്രശസ്ത ഗ്രന്ഥമായ ജാമിഉൽ അഹാദീസിലും‌ മറ്റ് ധാരാളം മശ്ഹൂറായ കിതാബുകളിലൊക്കെ  പഠിപ്പിക്കുന്നുണ്ടല്ലോ !

(01) - സ്വിദ്ധീഖ് (റ) വിന്റെ പുത്രി ഉമ്മു കുൽസും ബീവി (റ) ഒരു പ്രശ്ന പരിഹാരത്തിന്നായി നബി (സ്വ) യുടെ ഖബറിങ്കൽ ചെന്ന് ഇസ്തിഗാസ നടത്തുമെന്ന് മഹതി ആയിഷാ ബീബി (റ) ഉള്ള ഒരു സദസ്സിൽ നിന്ന് പറയുന്ന കിതാബുൽ ഇസ്തീആബിലൊക്കെ ഉള്ള സംഭവം 28952 നമ്പറായി ജാമിഉൽ അഹാദീസിൽ സുയൂതി ഇമാം ഉദ്ധരിക്കുന്നു.

(02) - ഹിജ്റ 17 ൽ ക്ഷാമം ഉണ്ടായപ്പോൾ മഴക്ക് വേണ്ടി ഒരാൾ  ഹബീബ് സ്വ യുടെ ഖബറിങ്കൽ വന്ന് ഇസ്തിഗാസ നടത്തിയ സംഭവം 27209 നമ്പറായി ഇതേ ജാമിഉൽ അഹാദീസിൽ ഇമാം ബൈഹഖിയിൽ നിന്ന് ഉദ്ധരിക്കുന്നു. ഈ ഇസ്തിഗാസ നടത്തിയ വ്യക്തി ബിലാൽബ്നുൽ ഹാരിസ് (റ) എന്ന സ്വഹാബി വര്യനാണെന്ന് ഫത് ഹുൽ ബാരി നോക്കിയവരോട് പ്രത്യേകം പറയേണ്ടതില്ലല്ലോ ??

(03) - ഹബീബ് (സ്വ) യെ മറമാടിയതിന്ന് ശേഷം  അറബിയിലും ഖുർ ആനിലും പരിജ്ഞാനം ഉണ്ടായിരുന്ന ഒരഹ്റാബി ഹബീബ് (സ്വ) യുടെ ഖബറിങ്കൽ വന്ന് പാപമോചനത്തിന്ന് വേണ്ടി ഇസ്തിഗാസ നടത്തിയ സംഭവം നാലാം ഖലീഫ അലിയ്യുബ്നു അബീ ത്വാലിബ് (റ) പഠിപ്പിക്കുന്നത് ഇബ്നു സ്സംആനി (റ) വിൽ നിന്ന് പരിപൂർണ്ണമായ സനദോട് കൂടി 34153 നമ്പറായി ഉദ്ധരിക്കുന്നു.

സമാനമായ മറ്റൊരു സംഭവം മറ്റൊരു പ്രശസ്ത ഗ്രന്ഥമായ അദ്ദുററുൽ മൻസൂറിലും കാണാവുന്നതാണ്

(04) - സുയൂതി ഇമാമിന്റെ ഹാവീ ലിൽ ഫതാവ വളരെ മഷ്ഹൂറായ ഫതാവാ സമാഹാരമാണ്  പ്രസ്തുത അലിയ്യ് (റ) പഠിപ്പിക്കുന്ന ഇസ്തിഗാസ ഹാവിയിലും സനദോട് കൂടി തന്നെ 2/315 ൽ ഉദ്ധരിക്കുന്നു.

*ഇനി എക്കാലത്തേയും മറക്കാനാവാത്ത സുയൂതി ഇമാമിന്റെ അത്യുഗ്രൻ ഇസ്തിഗാസയും നോക്കാം - ഒരു പക്ഷെ ഈ കിതാബൊന്നും കണ്ടിട്ടുണ്ടാവില്ല അല്ലെങ്കിൽ ചട്ട മാത്രം നോക്കിപ്പോയതാവാം*

أنْتَ یا عبد الله - ഓ അള്ളാഹുവിന്റെ അടിമേ

، إذا أذنبتَ
നീ ദോഷം  ചെയ്താൽ

 وأتیتَ معترفاً لرسولك الذي  أرسل إلیك  متضرعاً وجِلا،
തെറ്റ് ചെയ്തവനായി അംഗീകരിച്ച് കൊണ്ട് വളരെ താഴ്മയോട് കൂടി നിന്റെ മേൽ അയക്കപ്പെട്ട  ഹബീബായ സ്വ യുടെ അടുത്തേക്ക് നീ  പോകുകയും ചെയ്താൽ

 فإنه یستغفر لك،
 തീർച്ചയായും ഹബീബ് (സ്വ) നിനക്ക് വേണ്ടി പൊറുക്കൽനെ തേടും

ویشفعُ فیك،
നിന്റെ വിഷയത്തിൽ ആ മുത്ത് നബി (സ്വ) ശുപാർഷ തേടും.

لأن الله أمره بالاستغفار لك،
കാരണം നിനക്ക് വേണ്ടി പൊറുക്കൽനെ തേടാൻ   അള്ളാഹു ത ആല ഹബീബ് (സ്വ) യോട് കൽപ്പിച്ചിട്ടുണ്ട്

 وأذن له في الشفاعة فیك.
 നിന്റെ വിഷയത്തിൽ ശഫാ അത്ത് തേടാൻ അള്ളാഹു ഹബീബ് (സ്വ) ക്ക് സമ്മതം കൊടുത്തിട്ടുണ്ട്
وكیف لا
പിന്നെങ്ങനെയാണ് നിനക്ക് ശഫാ അത്ത് ലഭിക്കാതിരിക്കുക

وھو أكرم الْخَلْق علیه!
അള്ളാഹുവിന്റടുത്ത് ആ മുത്ത് നബി (സ്വ) സൃഷ്ടികളിൽ വെച്ച് ഏറ്റവും ബഹുമാന്യരാണ്,

وقد وعدنا بذلك في قوله:
അത് അള്ളാഹുവിന്റെ വാക്കാൽ നമ്മോട് വാഗ്ദാനം ചെയ്തിട്ടുള്ളതുമാണ്

(وَلَوْ أَنَّھُمْ إِذْ ظَلَمُوا أَنْفُسَھُمْ جَاءُوكَ فَاسْتَغْفَرُوا اللهََّ وَاسْتَغْفَرَ لَھُمُ الرَّسُولُ لَوَجَدُوا اللهََّ تَوَّابًا رَحِیمًا).
"അവര്‍ അവരോട് തന്നെ അക്രമം പ്രവര്‍ത്തിച്ചപ്പോള്‍ നിന്‍റെ അടുക്കല്‍ അവര്‍ വരികയും, എന്നിട്ടവര്‍ അല്ലാഹുവോട് പാപമോചനം തേടുകയും, അവര്‍ക്കുവേണ്ടി റസൂലും പാപമോചനം തേടുകയും ചെയ്തിരുന്നുവെങ്കില്‍ അല്ലാഹുവെ ഏറെ പശ്ചാത്താപം സ്വീകരിക്കുന്നവനും കാരുണ്യമുള്ളവനുമായി അവര്‍ കണ്ടെത്തുമായിരുന്നു”

وإني قد مُنعت یا سید الأولین والآخرین
ഓ അവ്വലീങ്ങളുടെയും ആഖിരീങ്ങളുടേയും നേതാവായ റസൂലള്ളാഹ് (സ്വ) തീർചയായും എന്നെവിരോധിക്കപ്പെട്ടിരിക്കുന്നു നബിയേ......

  عن الإتیان إلیكَ بذنوب جَنَیْتها على نفسي

 എന്റെ നഫ്സിന്റെ മേലിൽ ഞാൻ ചെയ്ത അക്രമങ്ങളുമായിട്ട് എന്റെ തെറ്റുകൾ കൊണ്ട് അങ്ങയുടെ അടുക്കൽ വരലിനെ തൊട്ട്

  فأنْتَ تعلم عُذْري،
അത് കൊണ്ട് എന്റെ ഉദ്റ് (കാരണം) തങ്ങൾ അറിയുന്നുണ്ടല്ലോ നബിയേ

ولا حیلةَ لي غیر التعلق بجاھك العظیم
അളീമായ അങ്ങയുടെ ജാഹ്  (സ്ഥാനം) കൊണ്ടല്ലാതെ എനിക്കൊന്നിനും  കഴിയില്ല  നബിയേ.......

 والصلاة علیك، صلى الله علیك وعلى آلك أفضل صلاة وأزكى تسلیم.

معترك الأقران للإمام السیوطي - ص: ٣/ ٥٥ -

*ഇതൊക്കെ വായിക്കുന്ന ഒരാൾക്കെങ്ങനെ സുയൂതി ഇമാം ഇസ്തിഗാസക്കെതിരാണെന്ന് പറയാൻ സാധിക്കും ??  അള്ളാഹു കാക്കട്ടെ , അഖീദക്ക് കളറടിച്ച് ഫിത്നയുണ്ടാക്കുന്ന ഇത്തരം പുതുപ്പൊന്നാനിക്കാരുടെ ശല്യത്തിൽ നിന്ന് സുന്നി സമൂഹത്തിന് രക്ഷയുണ്ടാകട്ടെ ആമീൻ എന്ന് പ്രാർത്ഥനയോടെ*
✍
*സിദ്ധീഖുൽ മിസ്ബാഹ് പടന്നക്കാട്  -( 09496210086 wtsp)*___________________🌸