നബി (സ്വ) യെക്കൊണ്ടുള്ള "ഇസ്തിഗാസ" അഥവാ ഹഖ് കൊണ്ടുള്ള ഇടതേട്ടം ഖുർ ആൻ പഠിപ്പിക്കുന്നു.

*നബി (സ്വ) യെക്കൊണ്ടുള്ള "ഇസ്തിഗാസ" അഥവാ ഹഖ് കൊണ്ടുള്ള ഇടതേട്ടം  ഖുർ ആൻ പഠിപ്പിക്കുന്നു.*
💠 _____________________💠

✍🏻 സിദ്ധീഖുൽ മിസ്ബാഹ് - 04/07/2019..................

അള്ളാഹുവല്ലാത്തവരോട് വിളിച്ച് പ്രാർത്ഥിക്കാൻ ഖുർ ആനിലോ ഹദീസിലോ തെളിവില്ല ഇത് അമ്പിയാക്കളോ ഔലിയാക്കളോ മുൻ കഴിഞ്ഞ് പോയ ഒരൊറ്റ ഇമാമീങ്ങളോ ഇങ്ങനെ വിളിച്ച് പ്രാർത്ഥിക്കാൻ പഠിപ്പിക്കുന്നില്ല , ഈ അടിസ്ഥാനപരമായ ദുആഹ് അള്ളാഹുവല്ലാത്തവരോട് നടത്തൽ ഷിർക്ക് തന്നെയാണ് ഒരു സംശയവുമില്ല.

എന്നാൽ കേരളത്തിലെ മുജാഹിദുകൾ "നിങ്ങൾ വിളിച്ച് പ്രാർത്ഥിക്കരുത്" എന്ന സന്ദേശവുമായി ഒരു ദുആഹ് പഠിപ്പിക്കുന്നുണ്ട് അതിതാകുന്നു

"അഭൗതികമായ രീതിയിൽ  മറഞ്ഞ വഴിയിൽ കൂടി  രക്ഷയോ ഗുണമോ ചെയ്യാൻ കഴിയുമെന്ന വിശ്വാസത്തോട് കൂടിയുള്ള അപേക്ഷക്കാണ് ദുആഹ്" "പ്രാർത്ഥന"

ഇതാണ് മുജാഹിദുകൾ പഠിപ്പിക്കുന്ന ദുആഅ്  എന്നാൽ ഇങ്ങനൊരു ദുആഹ് ഖുർ ആനോ തിരുസുന്നത്തോ പഠിപ്പിക്കുന്നില്ല !മുൻ കഴിഞ്ഞ് പോയ സലഫുകളൊ ഖലഫുകളോ ആരും തന്നെ ഇങ്ങനൊരു ദുആഹിനെ പഠിപ്പിച്ചിട്ടില്ല അതിവർ തന്നെ സമ്മതിക്കുന്നതുമായ കാര്യവുമാണ് !   മാത്രവുമല്ല മുജാഹിദുകളുടെ ഈ നിർവചന പ്രകാരമുള്ള ദുആയാകട്ടെ ഖുർ ആനിലും , തിരുചര്യയിലും , സ്വഹാബാ ചര്യയിലും ധാരാളം കാണാനും സാധിക്കും! ഈ നിർവ്വചന പ്രകാരം കേരളത്തിലെ മുജാഹിദുകൾ സുന്നികൾക്കെതിരെ ഷിർക്കാരോപിക്കുമ്പോൾ അത് യഥാർത്ഥത്തിൽ മടങ്ങുക ഖുർ ആനിലേക്കും , തിരു ചര്യയിലേക്കും, സ്വഹാബാ ചര്യയിലേക്കുമാകുന്നു ! കാരണം നബി (സ്വ) യിൽ നിന്ന് അഭൗതികമായ രീതിയിലുള്ള അതായത് മറഞ്ഞ വഴിയിൽ കൂടിയുള്ള ഗുണം പ്രതീക്ഷിച്ചവരാണ് സ്വഹാബത്ത് അത് പോലെ അഭൗതിക രീതിയിലുള്ള സഹായം പ്രതീക്ഷിക്കുകയും , ചോദിക്കുകയും ചെയ്ത ധാരാളം ആയത്തുകളും ഖുർ ആനിൽ കാണാൻ പറ്റും !!  അതിനാൽ മുജാഹിദുകൾ പഠിപ്പിക്കുന്ന ദുആഅ് ഇസ്ലാമികമല്ല !  മുഹ്മിനീങ്ങളെ മുശ്രിഖാക്കാൻ കൊണ്ട് വന്ന പൈശാചിക വാദം മാത്രമാകുന്നു.

മുജാഹിദുകൾ പഠിപ്പിക്കുന്ന നിർവ്വചനപ്രകാരമുള്ള ദുആഹ് ഖുർ ആനിൽ ധാരാളം തെളിവുകൾ കാണാമെങ്കിലും  ഈ പോസ്റ്റിൽ ഒരായത്ത്  നൽകുന്നു > അതായത് നബി (സ്വ) യുടെ ആഗമനത്തിന്ന് മുമ്പ് തന്നെ പൂർവ്വ സമുദായക്കാരായ വേദക്കാർ നബി (സ്വ) ഈ ലോകത്തേക്ക് വരുന്നതിന്ന് മുമ്പ് തന്നെ (മറഞ്ഞ വഴി അഥവാ അഭൗതികം) കാഫിരീങ്ങൾക്കെതിരെ വിജയം ലഭിക്കാൻ ഹബീബായ (സ്വ) യെ കൊണ്ട് സഹായം തേടിയ കാര്യം പരിശുദ്ധ ഖുർ ആൻ പഠിപ്പിക്കുന്നു.

وكانوا من قبل يستفتحون على الذين كفروا (البقرة:۸۹)

"അവർ (നബി(സ)യുടെ) ആഗമനത്തിനു മുമ്പേ അവിശ്വാസികൾക്കെതിരെ നബിയെക്കൊണ്ട് സഹായാർത്ഥന നടത്തിയിരുന്നു"

الْقَوْلُ فِي تَأْوِيلِ قَوْلِهِ تَعَالَى: {وَكَانُوا مِنْ قَبْلُ يَسْتَفْتِحُونَ عَلَى الَّذِينَ كَفَرُوا فَلَمَّا جَاءَهُمْ مَا عَرَفُوا كَفَرُوا بِهِ} [البقرة: ٨٩] يَعْنِي بِقَوْلِهِ جَلَّ ثَنَاؤُهُ: {وَكَانُوا مِنْ قَبْلُ يَسْتَفْتِحُونَ عَلَى الَّذِينَ كَفَرُوا} [البقرة: ٨٩] أَيْ وَكَانَ هَؤُلَاءِ الْيَهُودُ، الَّذِينَ لَمَّا جَاءَهُمْ كِتَابٌ مِنْ عِنْدِ اللَّهِ مُصَدِّقٌ لِمَا مَعَهُمْ مِنَ الْكُتُبِ الَّتِي أَنْزَلَهَا اللَّهُ قَبْلَ الْفُرْقَانِ، كَفَرُوا بِهِ،يَسْتَفْتِحُونَ بِمُحَمَّدٍ صَلَّى اللهُ عَلَيْهِ وَسَلَّمَ، وَمَعْنَى الِاسْتِفْتَاحِ: الِاسْتِنْصَارُ، يَسْتَنْصِرُونَ اللَّهَ بِهِ عَلَى مُشْرِكِي الْعَرَبِ مِنْ قَبْلِ مَبْعَثِهِ؛ أَيْ مِنْقَبْلِ أَنْ يُبْعَثَ


തഫ്സീർ ത്വബ് രി 2/236

كانوا يقولون اللهم افتح علينا وانصرنا بالنبي الأمي
- رازي ۱۸۰۰۳
ويقولون اللهم افتح علينا وانصرنا بالنبي المبعوث في آخر الزمان -  ابو السعود ۱۵:۱
اللهم انا نستنصرك بحق النبي الأمي الا نصرتنا -
 الدر المنثور ۲۱۹۱

(അല്ലാഹുവേ, വരാനിരിക്കുന്ന  നബിയുടെ ഹഖ് കൊണ്ട് ഞങ്ങൾക്കു നീ വിജയം നൽകണേ ! സഹായിക്കണേ ! എന്നാണവർ പ്രാർത്ഥിച്ചിരുന്നത്-

തഫ്സീർ റാസി 3-180, അബുസ്സുഊദ് 1-154 അദുറുൽ മൻസൂർ 1-216
കൂടാതെ തഫ്സീർ മാതുരീദി, ഇമാം സമർഖന്ദി (റ) വിന്റെ ബഹ്റുൽ ഉലൂം 1/72 , തഫ്സീർ സഹ് ലബി 1/234, ഇബ്നു കസീർ (റ) വിന്റെ അൽബിദായതു വന്നിഹായ 2/308, സ്വാലിഹിശ്ശാമിയുടെ സുബുലുൽ ഹുദാ വറഷാദ്  1/112 പോലുള്ള കിതാബുകളിലും  ഈ ഹഖ് കൊണ്ടുള്ള ഇടതേട്ടം പ്രസ്തുത ആയത്തിനെ വിശദീകരിച്ചിട്ടുണ്ട്.

അന്ത്യപ്രവാചകരുടെ ആഗമനവും നബി(സ) തങ്ങളുടെ മഹത്വവും വേദങ്ങളിൽ നിന്നും വേദജ്ഞാനികളിൽ നിന്നുംമനസ്സിലാക്കിയിരുന്ന ജൂതന്മാർ ബഹുദൈവവിശ്വാസികൾക്കെതിരെ തിരുനബി(സ)യെ കൊണ്ട് ഇസ്തിഗാസ  നടത്തിയിരുന്നതാണ് ഖുർആൻ ഈ വിവരിച്ചത്.

വഫാത്തായിപ്പോയി അതിനാൽ മറഞ്ഞവഴിയാണ് ഷിർക്കാണ്  എന്നിങ്ങനെ വാദം ഉന്നയികുന്നവർക്ക് ഖുർ ആൻ ഈ പഠിപ്പിക്കുന്നതും മറഞ്ഞ വഴിയാണ് കാരണം ഹബീബ് (സ്വ) ഈ ലോകത്തേക്ക് ആഗമനമായിട്ടേയില്ല !! തീർത്തും അഭൗതികം !! മറഞ്ഞവഴി !!!  നബി (സ്വ) യെ കൊണ്ടുള്ള ഗുണം !!!! അതും യുദ്ധത്തിൽ വിജയം കിട്ടാൻ ശത്രുക്കൾക്കെതിരെ സഹായം ലഭിക്കാൻ !!!

പ്രിയ മുഅ്മിനീങ്ങൾ സത്യം മനസ്സിലാക്കുക ! മുജാഹിദുകൾ പോലോത്തവർ പറയുന്ന മാന്മെയിഡ് നിർവ്വചനങ്ങളിൽ കുടുങ്ങി ഈമാൻ നഷ്ടപ്പെടുത്താതിരിക്കുക.
💟______________________💟

👉🏻ആദർശ വിജ്ഞാന സമാഹരത്തിനായി ലിങ്കിൽ ക്ലിക്ക് ചെയ്യൂ *ബ്ലോഗ്* സന്ദർശിക്കൂ
http://sunniknowledge.blogspot.com/?m=0____________🌀

👉 *Downlaod ആദർശ  ഗൈഡ്  App*
1⃣ Search "ആദർശ  ഗൈഡ് /Adarsha Diary" in Play Store
2⃣ Play Store (ഓഫ് ലൈനിലും ഈ ആപ്പ് ഓപ്പണാകും)
Link:http://tiny.cc/adarshaApp________________🌀
*👉🏻face book* പോസ്റ്റുകൾ ലഭിച്ച് കൊണ്ടിരിക്കാൻ
https://www.facebook.com/siddeequlmisbahpadannakkad ലിങ്കിൽ പോയി ലൈക് ചെയ്യൂ
____________________🌀🌀🌀