മഖ്ബറകളും മുഗൾ രാജാവംശവും

Siddeequl Misbaah _______/////////

എന്റെ രണ്ടാമത്തെ ഡൽഹി യാത്രയിലാണ് (02/10/2017) ഞാൻ ആദ്യമായി ഹുമയൂൺ ടൊമ്പ് നേരിൽ കാണുന്നത്, ആദ്യ ഡെൽഹി യാത്രയിൽ ഇത് കാണാൻ പറ്റിയിരുന്നില്ല. മുഗൾ രാജവംശത്തിലെ ആദ്യ ചക്രവർത്തിയായ ബാബർ ചക്രവർത്തിയുടെ മൂത്ത മകനും ബാബറിന്റെ മരണ ശേഷം 23 ആം വയസ്സിൽ തന്നെ ചക്രവർത്തി പട്ടമണിഞ്ഞ ഭാഗ്യവാൻ എന്ന പേരിനർത്ഥം വരുന്ന രണ്ടാം മുഗൾ ചക്രവർത്തി നസിറുദ്ദീൻ മുഹമ്മദ് ഹുമയൂണും (പേർഷ്യ) അവിടത്തെ ഭാര്യയും , മറ്റ് മുഗൾ രാജാക്കളും അവരുടെ മക്കളും അന്ത്യ വിശ്രമം കൊള്ളുന്ന ധാരാളം മഖ്ബറകളടങ്ങിയ ഹുമയൂൺ ടൊമ്പ്.

ഈ കാഴ്ചയെന്നെ ഏറെ ചിന്തിപ്പിച്ചത് കേരളത്തിൽ മാത്രമാണ് മഖ്ബറകൾ ഉള്ളതെന്നും മഖ്ബറകളുണ്ടാക്കുന്നതും, അതിന്മേൽ ഖുബ്ബ പണിയുന്നതുമെല്ലാം അനിസ്ലാമികമാണെന്നൊക്കെയുള്ള വാദം ഇക്കാലത്ത് ചില സലഫിയെന്ന പേരിലറിയപ്പെടുന്ന വിഘടന വാദികൾ പറയാറുണ്ട്. ചരിത്രമറിയാത്തതോ അല്ല അറിഞ്ഞിട്ടും സംഘടനക്ക് വേണ്ടി ചരിത്രം മറച്ച് വെക്കുകയാണോ ? എന്നറിയില്ല!!! എന്തായാലും ഹബീബ് (സ്വ) യുടെ കാലഘട്ടത്ത് തന്നെ മഹാന്മാരുടെ ഖബർ കെട്ടിപ്പൊക്കിയതായി കാണാൻ പറ്റും. നിരവധി സ്വഹാബാക്കൾ , താബിഉകൾ , ഇമാമീങ്ങൾ , സ്വാലിഹീങ്ങളുടെ ഖബറിന് മുകളിൽ എടുപ്പ് പണിതതായും അതിന്ന് ചുറ്റും വലിയ കെട്ടിടമുണ്ടാക്കി അതിന്മേൽ ഖുബ്ബ പണിതതുമായ ധാരാളം സ്വാലിഹീങ്ങളുടെ ചരിത്രം പൂർവ്വ സൂരികൾ അവരുടെ ഗ്രന്ഥങ്ങളിൽ രേഖപ്പെടുത്തി വെച്ചിട്ടുണ്ട്. ഇന്ത്യയിലേക്ക് വന്ന സ്വഹാബാക്കൾ മറ്റ് സ്വാലിഹീങ്ങളുടെ ഖബറിടവും ഇതേ രൂപത്തിൽ തന്നെ ഇന്നും നിലനിൽക്കുന്നു‌. ഇതൊന്നും അനിസ്ലാമികമാണെന്ന് ഇക്കാലം വരെ ഒരാളും മനസ്സിലാക്കിയിട്ടില്ല. ഇതിൽ നിന്നൊക്കെ മാതൃക ഉൾക്കൊണ്ട് തന്നെയാവണം ഇന്ത്യ ഭരിച്ചിരുന്ന മുസ്ലിം രാജവംശമായ മുഗൾ ചക്രവർത്തിമാരും അവരുടെ കുടുംബവും അന്ത്യ വിശ്രമം കൊള്ളുന്ന മഖ്ബറകളടങ്ങിയ 1565-70 കാലഘട്ടത്ത് പണികഴിപ്പിച്ച HUMAYUN'S TOMP & 1632 - 1653 ൽ 10000 ത്തോളം വരുന്ന തൊഴിലാളികൾ ചേർന്ന് പണി കഴിപ്പിച്ച ലോകാൽഭുതങ്ങളിൽ പെട്ട താജ് മഹലൊക്കെ പണിതതും.

 ബാബറും , ഹുമയൂണും , അക്ബറും , ഷാജഹാനും ,ജഹാംഗിറുമൊക്കെയായിരുന്നു പ്രധാന ഇന്ത്യൻ മുകൾ ചക്രവർത്തിമാർ. മുസ്ലിം രാജകുടുംബമായ ഇവരെങ്ങാനും ഇന്ത്യ ഭരിച്ചിരുന്നില്ലായിരുന്നെങ്കിൽ ലോക സഞ്ചാരികൾ ഇന്ത്യയെ തേടി വരുമായിരുന്നോ ?! ഇവർ നിർമ്മിച്ച അൽഭുതകരവും വർണ്ണാഭവുമായ രാജ കൊട്ടാരങ്ങളും, ഇവരും കുടുംബവും അന്ത്യ വിശ്രമം കൊള്ളുന്ന മഖ്ബറകളടങ്ങിയ താജ് മഹലും ഹുമയൂൺ ടൊമ്പുമെല്ലാം ലോക പൈതൃകത്തിലിടം പിടിച്ചിരിക്കുന്നത്. വാസ്തു ശിൽപ്പങ്ങൾ നിർമ്മിക്കുന്നതിലെ ഇവരുടെ കഴിവ് കണ്ടാൽ ആരും അൽഭുതപ്പെട്ട് പോകും അത് പോലൊരു വാസ്തു വിദ്യയും പ്രാകൃതിക് ഭംഗിയുമെല്ലാം ഇന്ന് അദൂരിയണ്. അത് കൊണ്ടാണ് ഇത് കാണാൻ ഇന്നും ലോക സഞ്ചാരികൾ ഇന്ത്യയിലൊഴുകിയെത്തുന്നത്.

 വാസ്തു ശിൽപ്പികളിലെ രാജകുമാരനെന്നറിയപ്പെടുന്ന ഷാജഹാൻ ചക്രവർത്തി തനിക്കും തന്റെ പത്നിക്കും വേണ്ടി ഖബറിസ്ഥാൻ പണിതതാണ് ലോകത്തിലെ പത്ത് അൽഭുതങ്ങളിൽ ഇടം പിടിച്ചിരിക്കുന്ന താജ്മഹൽ. ഖബറ് അലങ്കരിക്കുന്നത് ഇസ്ലാമിൽ അനുവദനീയമല്ല എന്ന നിയമം പരിപൂർണ്ണമായി പാലിക്കപ്പെട്ട് കൊണ്ട് തന്നെ തന്റെ പത്നിയുടെ ഖബറ് കുഴിച്ചത് താജ് മഹലിന്റെ മധ്യ ഭാഗത്തായിട്ടാണ് ഖബർ ഉണ്ടാക്കിയിട്ടുള്ളത് അതിന്ന് ശേഷം മാർബിൾ കല്ല് കൊണ്ട് പൊക്കിക്കെട്ടുകയും ചെയ്തിട്ടുണ്ട്. വാസ്തു അലങ്കാരങ്ങളും മറ്റുമെല്ലാം ബിൾഡിങ്ങിന്റെയും മുകളിലുള്ള മിനാരങ്ങളിലും മറ്റ് സൈഡിലുമാണ്. ചുറ്റു മതിലിൽ പരിശുദ്ധ ഖുർ ആനിക വചനങ്ങൾ കൊത്തി വെക്കപ്പെട്ടതായി കാണാം. ഖബറിടത്തിന്ന് യാതൊരു വിധ അലങ്കാരവും ഇല്ല കേവലം കെട്ടി പൊക്കിയതല്ലാതെ !!!! ഷാജഹാൻ ചക്രവർത്തിയുടെ ഖബറും പത്നി മുംതാസ് ബീഗത്തിന്റെ ചാരത്ത് തന്നെ കുറച്ച് കൂടി ഉയരത്തിൽ കെട്ടിയുയർത്തിയിട്ടുണ്ട്.

താജ്മഹലിനോട് ഏകദേശം വാസ്തു സാമ്യമുള്ള മറ്റൊരൽഭുതമാണ് മുഗൾ രാജവംശത്തിലെ രണ്ടാമത് ചക്രവർത്തിയായ ഹുമയൂൺ ചക്രവർത്തിയും അവിടത്തെ കുടുംബവും മറ്റ് മുഗൾ രാജാക്കന്മാരുടെ മഖ്ബറകളുള്ള "HUMAYOON TOMP". 1565-70 കാലയളവിലാണ് ഇത് പണിയുന്നത്.12000 ചതുരശ്രമീറ്റർ വിസ്താരമുള്ള ഒരു തട്ടിൽ സ്ഥിതി ചെയ്യുന്ന ഈ കെട്ടിടത്തിന് 47 മീറ്റർ ഉയരമുണ്ട്. ഹുമയൂൺ ചക്രവർത്തിയുടെ ഇൻതഖാലിന്ന് ശേഷം അവിടത്തെ പ്രിയ പത്നി ഹമീദാ ഭാനു ബീഗമാണ് ഹുമയൂൺ ടൊമ്പിന്റെ നിർമ്മാണത്തിന്ന് ഉത്തരവിടുന്നത്. ഡെൽഹി മഥുര ഹൈവേ റോഡിൽ സ്ഥിതി ചെയ്യുന്ന മഹാനായ ഹസ്രത്ത് നിസാമുദ്ദീൻ (ഖ:സി) വിന്റെ മഖ്ബറയുടെ നേർ എതിർ വശത്തായിട്ടാണ് ഹുമയൂൺ ടൊമ്പ് പണി കഴിപ്പിച്ചിട്ടുള്ളത്. ഇതിന്റെ മറുവശമായി യമുനാ നദി ഒഴുകുന്നു. ഇതിൽ ഉള്ള മഖ്ബറകളും അലങ്കരിച്ചിട്ടില്ല മറിച്ച് കെട്ടി ഉയർത്തിയിട്ടുണ്ട്. കല്ലിൽ ശഹാദത്ത് കലിമയും, പരിശുദ്ധ ഖുർ ആനും, ദിക്റുകളുമൊക്കെ കൊത്തി വെച്ചിട്ടുണ്ട്. എന്നാൽ ഇതിന്ന് ചുറ്റുമായി പണിത ഖുബ്ബയോടെ പണിത വലിയ കെട്ടിടം ലോക പൈതൃകത്തിൽ പെട്ടതാണ്. ഇതോടനുബന്ധിച്ച് പള്ളിയും പണിതിട്ടുണ്ട്. കെട്ടിടത്തിലെ ഓരോ കല്ലിലും വ്യത്യസ്തമായ നിറഭംഗി പിടിപ്പിച്ചതും, കൊത്തി വെച്ച ബിൾഡിംഗിന്റെ ടോപ്പ് ഭാഗവുമെല്ലാം അൽഭുതം നിറഞ്ഞ കാഴ്ചകൾ തന്നെയാണ്. ഹുമയൂൺ ടൊമ്പ് പണിതത് ചുവന്ന കളറുള്ള മൺ കല്ല് കൊണ്ടാണെങ്കിൽ വെളുത്ത വെണ്ണക്കല്ല് കൊണ്ട് പണിതതാണ് താജ് മഹൽ അത് കൊണ്ടാണ് താജ്മഹൽ കൂടുതൽ മശ് ഹൂറായത്............ ചരിത്രാൻവേഷികൾ പഠന വിധേയമാക്കുക ഈയൊരു കുറിപ്പ് നിങ്ങൾക്കും പ്രചോദനമാകട്ടെയെന്ന് ആശിക്കുന്നു.

 സ്നേഹ പൂർവ്വം - സിദ്ധീഖുൽ മിസ്ബാഹ് (9496210086- siddeequlmisbah@gmail.com)_______